Serka un adikto na droga
Homber sentensiá despues di a hür vehikulo hôrtá
Vigilante, 22 november 2007

PUNDA--- Delwyn L, ayera a tende veredikto den su kaso, despues ku e trata mentu a tuma luga dia 31 di oktober Ultimo den sala di korte di Korte di Prome Instansia.

Lopez, tabatin 3 diferente akusashon den su kontra, kual nan tabata:

• Ladronisia di entre otro un boshi di yabi, un montante di plaka kesh, un telefon i tambe un kamara for di un bibienda, despues ku e sospechoso a forsa e porta patras, pa asina logra su entrada. Un ke otro a tuma luga dia 26 di yuli Ultimo.
• Ladronisia i/of kompra, hur di un vehikulo Subaru Vivio. numera D/40-19, dia 25 di yuli ultimo.
• Intento di ladronisia di algun artikulo for di e edifisio di e snek na Daaibooi, despues di a destrui e slot di e porta di entrada. Esaki a keda na un intento despues ku e sistema di alarma di e edifisio a aktiva.

E sospechoso, kende ta kliente di abogado mr. La Fleur, a tende fiskal di Ministerio Publiko, mr. Dandare hasi un demanda di 15 luna di kastigu di prizòn den su kontra, di kual 3 luna kondishonal. Durante di e tratamentu, e sospechoso a ninga e akusashonnan den su kontra, I ta bata e abogado defensor ku a pidi wes, pa liberá su kliente di e akusashonnan den su kontra, pa motibu di falta di sufisiente prueba den su kontra.Ayera wes, mr. Saleh, a duna veredikto den e kaso i a liberá e sospechoso di akusashonnan number 1 i lo a yega na un kondena di prison pa loke tat rata e di dos akusashon.

Wes a splika di ta haña proba ku e sospechoso mester por a pensa ku e vehikulo tabata horta pa motibu ku e mes a deklara di hur esaki serka un persona ku e no konose i ku ta un adikto na droga. Wes a yega na un kastigu di prison di 240 dia di kual 165 dia kondishonal, ku un tempu di prueba di 2 ana. Tantu fiscal komo e sospechoso tin 14 dia di tempu pa por bai den apelashon kontra di su veredikto.